ENKSê 45 salroja Şoreşa Gulanê li Serok Barzanî Pîroz kir

PDK-S: Bi helkefta derbasbûna 45 salan bi ser şoreşa Gulanê de Encûmena Niştîmanî ya Kurd li Sûriyê ENKSê, birûseke pîrozbayê arasteyî serok Mes'ûd Barzanî kir.

Di birûska pîrozbayê de ENKSê helkefta derbasbûna 45 salan bi ser şoreşa Gulanê li serok Barzanî û tevaya kadir û endamê Partiya Demokrata Kurdistanê pîroz kir, û got ku şoreşa Gulanê dirêjpêdera şoreşa Êlûnê bû , ku Barzaniyê nemir raberayetî dikir li dijî sitem û pîlanên ku gelê Kurdistanê armanc dikir.

Herweha ENKSê di pirûska pîrozbayê de, got ku gelê Kurdistanê dizane ku ev destkeftên Kurdistanê derencamên şoreşa Êlûn û Gulanê , û qurbaniyên pêşmergeyên qehremanan, û herweha serkirdayetiya weya hekîmane ji şoreşê re bû, sedem ku pêşerojeke geş çaverêa gelê Kurdistanê bike.