Peyama Serok Barzanî ya di derbarê serkeftina proseya hilbijartinê

Peyama Serok Barzanî ya di derbarê serkeftina proseya hilbijartinê

Peyama Serok Barzanî ya di derbarê serkeftina proseya hilbijartinê
Bi navê xwedayê mezin û dilovan

Bi helkefta serkeftina proseya hilbijartina Encûmena Nûnerên Iraqê û serkeftina Partiya Demokrata Kurdistanê ya li van hilbijartinan da pîrozbahiyê li gelê Kurdistanê dikim. Pîrozbahiyê li kadîr û endam û alîgirên Partî(PDK) dikim ku karîn li kêbirkêyeke medenî û aram da serkeftineke mezin ji bo Partî û rêbaza wê mîsoger bikin û ruhê şehîdan bextewer bikin. Serkeftina Partî li van hilbijartinan da bi wateya serkeftina prensîb û biha û wan bingehane ku xebata gelê Kurdistanê li ser rawestaye û peyameke ji bo hemû aliyek ku gelê Kurdistanê li tu rewşekê da destberdarê dîrok û bihayên wê nabê. Pêwîste ew serkeftina Partî (PDk) bibê sedema wê yekê berpirs û kadîr û endamên Partî zêdetir xizmeta xelkê bikin û herdem ew şîreta bi nirxa Barzanî li bîra wan bê, "Li serkeftinê da mexrûr nebin û li şikestê de bêhêvî nebin".

Her bi vê helkeftê spasî Komîsyona Bilinda Hilbijartinê û dezgehên emnî û hemû aliyên peywendîdarên Herêma Kurdistan û Iraqa Federal dikim ku bi şev û roj karkirin û keda wan hebûye ji bo serkeftina proseya hilbijartina Encûmena Nûnerên Iraqê û destxweşiyê li wan dikim. Her wiha rola birêz Mistefa Kazimî Serok Wezîr li encamdana hilbijartinan de bilind dinirxînîn.

Serkeftina proseya hilbijartinê serkeftina îradeya gel û serkeftina demokrasiye. Her ji bo vê yekê jî hêvîdarim piştî van hilbijartinan aliyên Kurdistanî yekrêz û temamkarê hevdû bîn. Hêvîdarim hemû alî bi pêkve û ji bo yek armancê hevbeş û bi navê berjewendiyên bilindên Kurdistanê û bergirîkirina li maf û destkeftên gelê Kurdistanê kar bikin û li ser bingeha hevbeşiya rasteqîne peywendiyên Herêma Kurdistan û Iraqa Federal binyat bînin.

Careke din spas ji bo gelê Kurdistanê û spasî taybetî jî ji bo xûşk û birayên xweragir û xwedî bîr û bawerê li Kerkûkê dilê Kurdistanê.

Mesûd Barzanî
11.10.2021