Rêxistina Domîz a PDK-Sê salvegera 50 ya damezrandina koma Azadî ya huner û folklora Kurdî vejand

PDK-S: Rêxistina Domîz ya Partiya Demuqrata Kurdistan - Sûriya PDK-Sê û Koma Azadî ya Huner û Folklora Kurdî, roja Şemiyê 02.12.2023, li hola konferansan li Kampa Domîz a penaberên Kurdên Sûriyê li Duhokê 50 saliya damezrandina Koma Azadî ya Huner û Folklora Kurdî vejand.

Di merasîmê de serkirdayetiya Partiya Demuqrata Kurdistan - Sûriya PDK-Sê, partiyên Encûmena Niştimanî ya Kurd, endam û kadroyên Rêxistina Domîz a Partiya Demuqrata Kurdistan - Sûriya PDK-Sê, dezgeha Şehîdên Kurdistana Sûriyê, liwa Hekar Mihsin Amîdî û şanda pê re , gelek rêxistin (mamosta - hunermend - Yekîtiya Nivîskarên Sûriyê - Sendîkaya Rojnamevanên Kurdistana Sûriyê - Yekîtiya Xwendekaran - Rêxistina Dadwerî - Komîteya Lênêrîna Penaberan - Dezgeha Muxtaran) amade bûn.

Endamê mekteba siyasî ya Partiya Demuqrata Kurdistan - Sûriya PDK-Sê Hacî Kalo gotarek pêşkêş kir, têde bixêrhatina amadebûyan kir, û li ser rola komên hunerî di parastina folklora kurdî de, bi taybetî koma Azadî, ku li paytext Şamê hatibû damezrandin, axivîn.

Di dawiyê de endamê Mekteba Siyasî û berpirsê rêxistina Domîzê Hacî Kalo Edhem Wanlî ku berpirsê komê bû di dema damezrandina wê de xelat kir, û Hêvî Wanlî endama Komîteya Navendî ya Partiya Demokrat a Kurdistan - Sûriyê, xelat wergirt û Ibrahîm Ibrahîm (Bavê Mizgîn) ku kom perwerde dikir hat xelat kirin.