Li Zaxo şandeke PDK-Sê û Dezgeha Malbatên Şehîdên K.Sûriya 6emîn salvegera şehîd Welat Elî vejand

PDK-S: Li bajarê Zaxo yê Herêma Kurdistanê şandeke rêxistina Zaxo ya Partiya Demuqrata Kurdistan – Sûriya PDK-Sê û dezgeha malbatên şehîdên Kurdistan Sûriya şeşemîn salvegera şehîdbûna pêşmergeyê Leşkerê Roj welat Ebdulkerîm Elî vejand.

Roja Şemiyê 16. 01.2021 bi amadebûna malbat şehîd, şandeke rêxistina Zaxo ya PDK-Sê û dezgeha malbatên şehîdên Kurdistan Sûriya seredana gora pêşmergeyê Leşkerê Roj welat Ebdulkerîm Elî li goristana Til Kebir li Zaxo kir, û şeşemîn salvegera şehîdbûna pêşmergeyê Leşkerê Roj welat Ebdulkerîm Elî vejand.

Di wê boneyê de fatîheya pîroz li ser giyanê şehîd Welat û hemî şehêdên pêşmerge û şehîdên Kurd û Kurdistanê xwend û bi Aleya Kurdistanê û gurzên Gulan gora wî xemiland.

Herweha du gotar ji alyê PDK-Sê û dezgeha malbatên pekrewanan hatin pêşkêş kirin û sersaxî ji malbatê û gelê kurd re xwestin.