PDK-Sê 35mîn salvegera koçberkirina Dr.Nûredîn Zaza vejand

PDK-S: Partiya Demuqrata Kurdistan - Sûriya PDK-Sê, roja Yekşemê 8ê Cotmeha 2023, 35mîn salroja koça dawiya Dr.Nûredîn Zaza serokê yekem a Partiya Demuqrata Kurdistan - Sûriya li bajarê Lozan yê Siwîsrayê li ser gora wî vejand.


Di bîranînê de Mihemed Ismaîl Sekreterê Partiya Demuqrata Kurdistan - Sûriya, Nafih Beyro endamê Mekteba Siyasî ya PDK-Sê û berpirsê Rêxistina Ewropa, Xalid Kemal Derwîş endamê Komîteya Navendî ya PDK-Sê û berpirsê Rêxistina Swîsra, Şaxê 6 a Partiya Demokrata Kurdistanê li Ewropa, malbata Dr. Nûredîn Zaza, Partiya Demokrata Kurdistana Îranê, Partiya Demokrata Kurdistana Tirkiya, Partiya Sosyalîsta Kurdistana Tirkiya û Revenda Kurdistanî li Ewropayê, beşdarbûn.

Di merasîma bîranînê de gelek gotin hatin pêşkêş kirin:
Gotina partiyê ji aliyê Mihemed Ismaîl sekreterê Partiya Demuqrata Kurdistan - Sûriya ve hat pêşkêşkirin, gotina Partiya Demokrata Kurdistanê liqê 6 li Ewropa, gotina Partiya Demokrata Kurdistanî Îran, , Partiya Demokrata Kurdistana Tirkiya, Partiya Sosyalîsta Kurdistana Tirkiya û Revenda Kurdistanî li Ewropayê , herweha Gilbert hevjîna Dr. Nûredîn Zaza û kurê wî Şengo gotinek pêşkêş kirin û spasiya amadebûyan kirin.

Serkirdeyê Partiya Demuqrata Kurdistan - Sûriya, Dr. Nûredîn Zaza, di 10/7/1988an de li bajarê Lozanê koça dawî kir, û li goristana bajarê Lozana Siwîsrayê hat veşartin.