Mustafa Ozçelîk serokê giştî yê PAKê pîrozbahiya PDK-Sê kir

PDK-S: Serokê Giştî yê Partiya Azadiya Kurdistanî, PAK Mustafa Ozçelîk peyama pîrozbahiyê ji Sekreterê Giştî yê Partiya Demoqrata Kurdistan – Sûriya, PDK-Sê Mihemed Îsmaîl re şand.
Di peyama pîrozbahiyê de Serokê Giştî yê Partiya Azadiya Kurdistanî, PAK Mustafa Ozçelîk hêviya serkeftinê bo Partiya Demoqrata Kurdistan – Sûriya, PDK-Sê re xwest.
Naveroka peyamê ev e:

Rêzdar Mihemed Îsmaîl
Sekreterê Giştî yê Partiya Demokrat a Kurdistanê – Sûrîye (PDK-S)
Em bi dilxweşî pê agahdarbûn ku Partiya Demokrat a Kurdistanê – Sûrîye (PDK-S) bi awayekî serkeftî 12emîn kongreya xwe li dar xistîye û di kongreyê da Komîteye Navendî ya nû ya PDK-Syê hatîye hilbijartin. Herweha di civîna Komîteye Navendî da cenabê we wek Sekreterê Giştî yê PDK-Syê hatîye hilbijartin.
Ez li ser navê xwe û li ser navê hemû endam û alîgirên PAKê(Partîya Azadîya Kurdistanê) cenabê we û endamên Polîtburo û Komîteya Navendî ya nû pîroz dikim.
Em di têkoşîn û xebata we ya ji bo azadîyê û ji bo bidestxistina mafên neteweyî û niştimanî yê gelê me yê Rojavayê Kurdistanê da serkeftinê ji we ra dixwazin.
Li gel rêz û silavên xwe.
15.06.2023
Mustafa Ozçelîk
Serokê Giştî yê PAKê