Rêxistina Domîz a PDK-Sê serdana malbata Şehîd Mihemed Emîn Silo kir

PDK-S: Roja Pêncşemê 18.01.2024, şandeke Rêxistina Domîz a Partiya Demuqrata Kurdistan – Sûriya PDK-Sê û Dezgeha Şehîdên Kurdistana Sûriyê, Şaxê Duhokê li Herêma Kurdistanê, bi boneya heftemîn Şehîdûna Mihemed Emîn Silo serdana malbata wî li Domîz kirin.

Şanda PDK-Sê bi serpereştiya endamê mekteba siyasî ya Partiya Demuqrata Kurdistan - Sûriya Hacî Kalo û hejmarek ji endamên encûmena herêmî û kadroyên partiyê pêk hat.

Endamê Mekteba Siyasî ya Partiya Demuqrata Kurdistan - Sûriya Hacî Kalo bi navê Rêxistina Domîz û Dezgeha Şehîdên Kurdistana Sûriyê sersaxî ji hemû malbatên şehîdên Kurd û Kurdistanê re xwest.

Herwiha Kalo avakirina Pêşmergeyên Roj û rola wan di parastina axa Kurdistanê û mafên rewa yên gelê Kurd de bilind nirxand.

Di dawiyê de şanda mêvan bi Ala pîroz a Kurdistanê dayîk û bavê şehîd Mihemed Emîn Ehmed Silo xelat kirin.

Roja Çarşemê 18ê Çileya 2017ê pêşmerge Mihemed Emîn Ehmed Silo, li devera Eskê Mûsilê li Herêma ya Herêma Kurdistanê şehîd bû.