Partiya Demuqrata Kurdistan - Sûriya semînarek rêxistinî li Girkê Legê lidar xist
PDK-S: Îro Înê 16.02.2024, Rêxistina Girkê Legê ya Partiya Demuqrata Kurdistan - Sûriya semînarek rêxistinî li ofîsa partiyê li bajarokê Girkê Legê lidar xist.
Semînar ji aliyê Mihemed Îsmaîl Sekreterê Partiya Demuqrata Kurdistan - Sûriya û bi amadebûna berpirsê rêxistina Girkê Legê Nafih Ebdule endamê Komîteya Navendî ya Partiyê hate lidarxistin.
Mihemed Îsmaîl sekreterê Partiya Demuqrata Kurdistan - Sûriya behsa rewşa rêxistinî bi giştî kir piştî lidarxistina kongirê 12mîn a Partiya Demuqrata Kurdistan - Sûriya.
Sekreterê partiyê balkişand li ser hêlên siyasî yên partiyê, peywendiyên herêmî û navdewletî, rola partiyê di Eniya Aştî û Azadiyê de, û civînên Encûmena Niştimanî ya Kurd li gel hêzên Navdewletî û hevpeymaniya navdewletî.
Ismaîl herwiha behsa rewşa Efrîn, Serêkaniyê û Girê Spî û hewldanên rakirina binpêkirinên li ser miletê Efrînê û vegera welatiyên Serêkaniyê û Girê Spî kir.