Hewlêr... Şandeke serkirdayetiya PDKÎ bi şandeke ENKSê re civiya

PDK-S: Şandeke Partiya Demoqrata Kurdistana Îranê PDKÎ, bi şandeke Encûmena Niştîmanî ya Kurd li Sûriyê ENKSê re civiya li ofîsa Partiya Demoqrata Kurdistan – Sûriya li Hewlêrê.

Şanda Partiya Demoqrata Kurdistan Îranê PDKÎ , ku ji Xalid Ezîzî gotûbêjê PDKÎ, û Kemal Kerîmî endamê navenda rêveberiya giştî, û Isma'îl Şerîfî endamê navenda rêveberiya giştî, û Mihemed Salih Qadirî nûnerê PDKÎ li Hewlêrê, pêk dihat ji aliyê diktor Ebdulhekîm Beşar cîgirê serokê Itlafa Niştîmanî ya Sûrî, û Ibrahîm Biro endamê desteya danûstandkara Sûriyê , diktor Kawa Ezîzî serokê nûneratiya Herêma Kurdistanê ya Encûmena Niştmanî ya Kurd li Sûriyê, û Seîd Umer berpirsê ofîsa peywendiyên Niştîmanî ya Partiya Demoqrata Kurdistan – Sûriya, û Serhan Hesen endamê komîta navendî ya Partiya Demoqrata Kurdistan – Sûriya, pêşwazî li şandê hate kirin.

Di civîna, ku li ofîsa Partiya Demoqrata Kurdistan – Sûriya li Hewlêrê birêveçû, herdu aliyan behsa dawîn pêşhateyên şoreşa Rojhlatê Kurdistanê û gelên Îranê li dijî rêjîma Îranê ya diktator kirin, herweha behsa dawîn pêşhateyên siyasî li Rojavayê Kurdistanê jî hate kirin.