Elmaniya… Sekreterê Partiya Demuqrata Kurdistan – Sûriya zincîrek hevdîtin li gel aliyên siyasî pêkanî

PDK-S: Mihemed Ismaîl Sekreterê Partiya Demuqrata Kurdistana-Sûriya îro Yekşemê (1/1/2023) li bajarê Essen a Elmanyayê bi berpirsê leqa 6ê ya Partiya Demokrata Kurdistanê Enwer Mesifî re hevdîtinek pêkanî.

Di hevdîtinê de herdu aliyan rewşa civaka Kurdî li Ewropa bi giştî, û li Elmaniya bi taybetî gotûbêj kirin û rewşa Sûriyê bi giştî û Kurdistana Sûriyê bi taybetî gotûbêj kirin.

Mihemed Îsmaîl Sekreterê Partiya Demokrata Kurdistan-Sûriya , li gel şandeke Yekîtiya Giştî ya Nivîskar û Rojnamevanên Kurd li Sûriyê civiya.

Îro Yekşemê Mihemed Îsmaîl Sekreterê Partiya Demuqrata Kurdistan-Sûriya semînarek siyasî derbarê dawîn pêşhatên doza Kurdî û rewşa Sûriyê li bajarê Essen a Elmanyayê lidar xist.

Biryar e di çarçoveya serdana xwe ya bo Almanyayê, Sekreterê Partiya Demuqrata Kurdistan-Sûriya Mihemed Ismaîl li gel berpirsê dosya Sûriyê li Wezareta Derve ya Elmanyayê bicive.

Serdana Mihemed Îsmaîl bo Almanyayê piştî gera siyasî û rêxistinî ya li Tirkiyê tê, û di wê serdana xwe de civînên siyasî û rêxistinî li dar xistibûn û li gel çalakvanên civakî, siyasî civiyan.