Kobanê... Partiya Demuqrata Kurdistan – Sûriya pêşwaziya Partiya Yekîtî ya Kurdistanî kir

PDK-S: Îro Înê 17.11.2023, Partiya Demuqrata Kurdistan – Sûriya PDK-Sê pêşwaziya şandeke Partiya Yekîtî ya Kurdistanî li baregeha PDK-Sê li bajarê Kobanê kir.

Şanda Yekîtî ji Sekreterê Partiya Yekîtî ya Kurdistanî Silêman Oso, Endamên Mekteba Siyasî Mesûm Mihemed, Mejdal Delî, Endamên komîteya Navendî Ednan Bozan û Mihemed Delî pêk dihat.

Şand ji aliyê endamên Encûmena herêmî ya Partiya Demuqrata Kurdistan – Sûriya ve hat pêşwazîkirin.

Di hevdîtinê de behsa peywendiyên di navbera her du aliyan de û rêyên pêşxistina peywendiyan û aktîvkirin û pêşxistina Encûmena Niştimanî ya Kurd li Kobanî hat kirin.