Rêxistina Herîr-Basirma ya PDK-Sê semînarek rêxistinî li dar xist

PDK-S: Roja Sêşemê 05. 12. 2023ê, rêxistina Herîr-Basirma ya Partiya Demuqrata Kurdistan - Sûriya (PDK-Sê) semînarek rêxistinî li kampa Basirmayê ya penaberên Kurdên Sûriyê yên li Herêma Kurdistanê lidar xist.

Semînar ji aliyê Dr.Ebdulhekîm Beşar endamê mekteba Siyasî ya Partiya Demuqrata Kurdistan - Sûriya û bi amadebûna Henan Sîdo endama Komîteya Navendî û berpirsê rêkxistinê li Basirma hate birêvebirin.

Dr.Ebdulhekîm Beşar bi berferehî li ser karê rêxistinî ya partiyê axivî û her wiha behsa rewşa siyasî ya Sûriyê kir.

Beşar behsa hewlên Partiya Demuqrata Kurdistan – Sûriya, ji bo gihandina êş û azarên penaberan bo berpirsên pêwendîdar ên Hikûmeta Herêma Kurdistanê, rêxistinên navdewletî ji bo dabînkirina hêsankariyan di warên cur bi cur ên xizmetguzariyê de ji bo penaberan kir.