Rêxistina Dareşekran a Partiya Demuqrata Kurdistan - Sûriya salvegera koçbarkirina Barzaniyê nemir vejand

PDK-S: Roja Pênçşemê 29.02.2024, Rêxistina Dareşekran a Partiya Demuqrata Kurdistan - Sûriya, 45 saliya koça dawî ya nemir Mela Mistefa Barzanî li kampa Dareşekran a penaberên Kurdên Sûriyê li Herêma Kurdistanê vejand.

Di merasîma bîranînê de, şandeke nûneratiya Herêma Kurdistanê ya Encûmena Niştimanî ya Kurd, ku ji Cedan Elî serokê nûneratiyê, Raman Mela, Seîd Hemê , Şems Şerîf, Ebdulezîz Welîka, endamên nûneratiyê pêkdihat, û berpirsê nawçeya Dareşekran a Partiya Demokrata Kurdistanê û partiyên Encûmena Niştîmanî ya Kurdî, mulazim Idrîs berpirsê Asayîşê Darşikran, Raîd Serbast Mizûrî û nûnerên partiyên Kurdistanî yên li kampê, Dezgeha Xêrxwazî ya Barzanî û Navenda Qadrî Can a Çand û hunerê amadebûn.

Di merasîma vejandinê de, gotina Partiya Demuqrata Kurdistan - Sûriya ku ji aliyê endamê encûmena herêmî ya partiyê Rifhet Hacî ve hat pêşkêşkirin û Şemis Şerîf gotina nûneratiya Encûmena Niştimanî ya Kurdistanê pêşkêşkir.