Serokê Hikûmeta Herêma Kurdistanê bi serdaneke fermî serdana çend welatên Ewropayê dike

PDK-S: Serokê Hikûmeta Herêma Kurdistanê Mesrûr Barzanî îro 9.11.2020an bi serokatiya şandeke hikûmetê dest bi serdaneke fermî bo Ewropayê kir.

Serokê Hikûmeta Herêma Kurdistanê di vê geşta xwe ya Ewropayê de serdana çend welatên Ewropayî dike û dê bi berpirsên bilind ên wan welatan re bicive û guftûgoyan derbarê pêşxistina pêwendiyên diplomatîk ên di navbera Herêma Kurdistanê û welatên Ewropa de û bi taybetî jî di warê aboriyê de dike.

Li gor zanyariyên K24ê, şanda bi Serokê Hikûmeta Herêma Kurdistanê re, ji Wezîrê Plandanan Dr. Dara Reşîd û Serokê Desteya Weberhênanê Dr. Mihemed Şukrî pêk tê.

Hikûmeta Herêma Kurdistanê hewl dide sûdê ji şarezayî û karînên welatên Ewropayê werbigire, ji bo pêşxistina aborî, geşkirina weberhênanê û bihêzkirina jêrxaneya aborî ya Herêma Kurdistanê.