Peyama Serok Barzanî ya ji bo salvegera ji dayikbûna Pêxemberê Îslamê

Peyama Serok Barzanî ya ji bo salvegera ji dayikbûna Pêxemberê Îslamê
Bi navê xwedê mezin û dilovan

Bi boneya roja ji daykbûna Peyxemberê mezin, Hezretê Mihemed Elmustefa ( silavên xwedê li ser bin) pîrozbayî pêşkêşî tevahiya Misilmanên cîhan, Îraq û Kurdistanê dikim.

Di vê bîranîna han ya pîroz de daxwaz ji xwedê mezin dikim ku, deriyên xêr, bereket û rehmetê bi ser gelê Kurdistan, gelên Îraq û tevahiya deverê veke, aştî û aramî seraserê cîhan û devera me jî bigire.

Herwiha daxwaz ji yezdanê mezin dikim çandina biratî û bihevre jiyanê di navbera gelan de kûrtir û bihêztir bike.

Mesûd Barzanî

8ê Cotmeha 2022an