Rêxistinên PDK-Sê Roja Ala Kurdistanê li Herêma Kurdistanê vejand

PDK-S: Îro Yekşemê 17.12.2023, rêxistinên Partiya Demuqrata Kurdistan – Sûriya li Herêma Kurdistanê, roja Ala Kurdistanê li kampên penaberên Kurd li parêzgehên Duhok û Hewlêrê vejand.

Di merasîma bîranînê de li kampa Domîz a ser bi parêzgeha Duhokê, hejmarek ji serkirdeyên partiyê ji wan Hacî Kalo endamê mekteba siyasî, Mihemed Elî Îbrahîm, Ebdulkerîm Mîranî û Heyam Ebdulrehman, endamên komîta navendî ya partiyê, helbestvan Diya Ciwan serkirda berê ya PDK-Sê amade bûn.

Rêûresm bi deqeyek rêzgirti ji bo giyanê pakê şehîdên Kurd û Kurdistanê dest pê kir, û piştre sirûda netewî ya (Ey reqîb) hat xwendin.

Hecî Kalo endamê mekteba siyasî ya Partiya Demuqrata Kurdistan - Sûriya gotara partiyê pêşkêş kir, û tê de behsa qurbanîdanan ji bo parastina Ala Kurdistanê kir.

Herweha, rêxistinên Partiya Demuqrata Kurdistan-Sûriya li kampên Gewregosk, Quştepe û Derşekiranê Roja Ala Kurdistanê vejandin.