Rêxistina Quştpe ya Partiya Demokrata Kurdistan - Sûriya jidayikbûna Barzaniyê nemir vejand

PDK-S: Duh, Pêncşemê, 14ê Adara 2024an, rêxistina Quştpe ya Partiya Demokrata Kurdistan - Sûriya 121mîn salroja jidayikbûna bavê netewa gelê Kurd Mela Mistefa Barzanî li kampa Quştape ya penaberên Kurdên Sûriyê li Hewlerê vejand.

Di merasîma vejandinê de, endamê Komîteya Navendî ya Partiya Demokrata Kurdistan - Sûriya û berpirsa Rêxistina dewrûberê Hewlêrê Henan Sîdo û şandeke nûneratiya Herêma Kurdistanê ya Encûmena Niştimanî ya Kurdî ku ji Cedan Elî serokê nûnertiyê û Şems Şerîf pêk dihat, amade bûn.

Di destpêkê de kêlîkek bê deng li ser canê nemir Barzanî û şehîdên Kurd û Kurdistanê rawestiyan , piştre Cedan Elî berpirsê nûneratiya Herêma Kurdistanê yê Encûmena Niştimanî ya kurdî gotarek pêşkêş kir û tê de behsa jiyana Mela Mistefa Barzanî û rola wî di bidestxistina mafên gelê Kurd de kir.