Rêxistina Domîz ya PDK-Sê serdana malên 3ê Şehîdên Leşkerê Roj di salvegera 9an ya şehîdbûna wan de kir

PDK-S: Duh Şemiyê 16.09.2023, şandeke Rêxistina Domîz ya Partiya Demokrat a Kurdistan – Sûriya û Şaxa Herêma Kurdistanê ya Dezgeha Şehîdanên Kurdistan - Sûriya serdana malên 3ê şehîdên Hêzên Pêşmergeyên Roj kirin.

Şand bi serokatiya endamê mekteba siyasî ya PDK-Sê Hacî Kalo û hejmarek ji efserên Pêşmergeyên Roj û endamên encûmena navçeyê ya partiyê pêkhat.

Şandeyê bi boneya nehemîn salvegera şehîdbûna wan li eniya Hesen Şam li herêma Xazirê di şerê li dijî rêxistina terorîst a DAIŞê de, serdana malên şehîdên bi navê Comerd Faza Meşû – Silêman Hemze Hacî û Delîl Ehmed Elî kirin. ji bo parastina Herêma Kurdistanê.

Şandeyê rola şehîdan di parastina mafên rewa yên gelê Kurd û parastina Kurdistanê ji rêxistina terorîst a DAIŞê bilind nirxand.

Di dawiyê de şanda mêvan dayîka şehîd Silêman Hemze, dayîka şehîd Delîl Ehmed û bavê şehîd Comerd Faza bi Ala Kurdistanê xelat kirin.